27 Pantun Aceh Lucu, Seni Berpantun Penambah Wawasan yang Kocak dan Menghibur, Unggah di Sosmed

8. Masalah keu peut beuna buet jaroe
Bek peng manteng cakoe bak ayah poma
Supaya di pruet sabe tarasa troe
Ngak ek tapujoe ibadah keu yang Kuasa.

9. Teuma keudua bak mita lakoe
Sabu ngen bakong asoe meubek dicoba
Nye kameuraba nyan lumpah paloe
Keluarga pheng phoe sabe meudawa.

10. Ileumee manfaat didalam hate
Tapeurunoe sare adak aleh ba
Seulama meukumat di amai sabe
Pahla meu gule keu tanyoe ta rasa.

Kumpulan pantun Aceh lucu

11. Seudeukah jariah lampoh deungen gle
Wakaf peu ase bantu agama
Pahla meulimpah sampoe an page
Troek uroe akhe tanyoe bahgia.

12. Lhee boh peukara yang akan dile
Amai sabe be pahala tarasa
Adak ngen donya tanyoe ka meucre
Teutap kan sampe amalan teuka.

13. Gasien ngoen kaya petani ngoen toke
Tungku ngoen lonte nyan chit dirasa
Ngen piasan donya laloe bukon le
Singoh oh mate sapeu tan taba.

14. Ta jak ban liku pinggang
Ta pinggang ban laku ija
Ta ngui ban laku tuboh
Ta pajoh ban laku atra.

15. Lage peruaho dalam bakat
hana teutap siat puroe
Ureung dagang lam melarat
Timu barat jula calau.

Kumpulan pantun Aceh lucu

16. Kumang seulanga duroh bak tangke
Kumang bungong pade oh watee senja
Hudep didonya meubek laloe le
Ingat keu mate kan geutanyoe rasa.

17. Gudong meutingkat rumoh meu uke
Moto ngen honda cb tinggai lam donya
Inoeng lagak that pawoen ngen doble
Cuma oh sampe kuburan diba.

18. Aneuk yang saleh teuma yang akhe
Pangkai tamate taharap do'a
Dinoe peumeukleh u dayah ta use
Bek lagee bude aneuk tapeulara.

19. Yang phon ta cari yang tem meurunoe
Dayah geuputoe menuntut agama
Adak tan gaji bek that ta pakoe
Yang peunteng tanyoe hudep bahgia.

20. Meunye yang keulhee wahe e adoe
Ta eu keuh sidroe agam yang setia
Bek diteurajee ho yang galak droe
Oh hana tanyoe ka lam rumoh janda.