30 Pantun Jambi, Nasihat Kehidupan hingga Rayuan Manis untuk Pujaan Hati, Jadikan Status Medsos

8. Elok nian rumah itu
bepagar keliling terali besi
Elok nian pemuda itu
siang malam selalu mengaji.

9. Elok nian gentala arasy
hilir mudik orang menyeberang
Elok nian si gadis Jambi
tutur sapo masih digunokan.

10. Muaro bungo jerambah pap
Tempat orang main piano
Kito berdo'a kepada Tuhan
Hidupnyo jayo, matinyo sempurno.

Kumpulan pantun Jambi

11. Buah kelat tengah halaman
Buah pelam jadi manisan
Batuah umat karno beriman
Agamo islam jadi pegangan.

12. Kalau dijalin kawat tembago
Suaso disusun diikat jugo
Kalau rakyat ingin sejahtero
Dunia dibangun akhiratpun dibino.

13. Apo tando parang berkarat
Matonyo pepat kurang betaji
Apo tando orang beradat
Bekerjo giat senang mengaji.

14. Seberapo rimbun kayu di Jambi
Rimbunlah jugo kayu di Tungkal
Seberapo rindu kau nan pegi
Rindulah jugo kami nan tinggal.

15. Kami ba umo di lereng bukit
Rebahlah padi digiling batang
Kami umpamo si burung pipit
Kemano terbang di halau urang.

Kumpulan pantun Jambi

16. Lubuk pungguk tepian napal
Tempat budak mencuci baju
Awak biduk nak serempak kapal
Idaklah mungkin nyo samo laju.

17. Kalo ado gelang di tangan
Idak melurut cincin di jari
Kalo ado tunang awak nian
Idak merebut si tunang kanti.

18. Ke talang pegi mulatah
Pegi merumput lanyo padi mudo
Malang nian nasib kau antah
Tibo lah di mulut tebuang jugo.

19. Macam mano awak nak mandi
Banyak lah bilah daripado buluh
Macam mano awak nak jadi
Banyak yang negah daripado nyuruh.

20. Anak cino menanam ubi
Ubi tetanam dimakan babi
Anak siapo nan bepantun tadi
Cubolah diulang sekali lagi.