25 Pantun Bahasa Banjar tentang Agama dan Nasihat, Bisa jadi Penambah Wawasan dan Referensi Tugas

7. Tatak sabilah kayu birik
Bilahannya ditumbang talu
Wayah bamula gawi nang baik
Baca bismillah dahulu

8. Anak saluang si anak sapat
Timbul tinggalam banyalam-nyalam
Amun kita hanyar badapat
Badahulu kita maucap salam

9. Ulin panjang gasan galagar
Ulin nang nipis diulah sirap
Maulah masjid manggawi langgar
Gawi sabumi mangumpul wakap

10. Banang bagalas dililit-lilit
Gasan talinya kalayangan
Wayah mandangar bang di masjid
Nitu wayahnya sambahyangan

Kumpulan Pantun Bahasa Banjar tentang nasihat dan keagamaan

11. Digaragaji kayu pang lanan
Papan nang kandal diulah tangga
Kada tamasuk urang baiman
Amun bahual lawan tatangga

12. Parak haja kampung Barikin
Wadah baulah haduk sasapu
Urang cacat pakir miskin
Bubuhannya nitu parlu dibantu

13. Parang tumpul handak dititik
Handak dititik ka subarang
Apa guna bawajah cantik
Bila kada suah sumbahyang

14. Buah manggis di pinggir sumur
Anak biawak ular bawisa
Duduk manangis di pinggir kubur
Taganang awak banyak badusa

15. Matan Kandangan ka Gunung Madang
Banyak tumbuh puhun rama-rama
Apalah guna jadi urang
Amun kada mangarti agama

Baca juga: Kumpulan Pantun Bahasa Banjar Berbagai Tema: Nasihat Cinta dan Pendidikan

Kumpulan Pantun Bahasa Banjar tentang nasihat dan keagamaan

16. Burung bangau burung dara
Tarabang randah dimalam pakat
Mulai wayah ini banyak-banyak badoa
Karna badoa itu banyak manfaat

17. Apik-apik mancari papan
Papan latat tapakai haja
Apik-apik mancari kawan
Takawan buntat kadada untungnya

18. Jangan talalu bajalan ka hilir
Kalu pina batis tadingsir
Jangan talalu banyak bapandir
Kaina urang bisa tasindir

19. Kaya apa maulah baju
Gasan tulak bapangantenan
Kaya apa urang katuju
Amun kada panguhiringan