34 Pantun Minang Lucu, Guyonan Receh Mengocok Perut yang Bisa Bikin Mood Naik, Yuk Bagikan

8. Tinggi tabangnyo si Buruang Bondoh
Tabang mambubuang ka angkasa
Den sangko SMS adiak nan tibo
Kironyo dari mama mintak pulsa.

9. Sawah tabantang di tapi muaro
Anak gubalo mamanciang lauak sapu-sapu
Tigo taun wak basamo
Katiko baralek uda jadi tamu.

10. Ka Batipuah naiak pedeti
Pedeti ditariak oh si kudo bendi
Sabana bedo anak mudo kini
Sadang talampa di rumah sakik pun masih baselfi.

Kumpulan pantun Minang

11. Ka kadai mambali bada
Bada diserak’an ka dalam samak
Kok iyo lai adiak sayang ka uda
Lai amuah adiak jadi minantu amak?

12. Kandak ati Pai ka pulau
Tapi hari alah sanjo
Ingin hati pai ka lapau
Tapi tarompa suok kaduonyo.

13. Anak ketek pakai baju tabaliak
Patang hari main gundu
Sungguahlah sanak indak mancaliak
Baruak si angku mancari kutu.

14. Angkuik sayua ateh garobak
Dimasak jo daun pandan
Dima hati indak tagalak
Tupai talapeh dari dahan.

15. Lado kutu sabana padeh
Samba tajarang si gulai bada
Dima hati indak ka cameh
Gincu adiak sabana maha.

Kumpulan pantun Minang

16. Banyak kawan mambaok nobar
Manonton film basamo-samo
Iduik barek taraso barbar
Paniang kapalo dibueknyo.

17. Tabang tinggi walang sangit
Sawah petani ondeh suburnyo
Oi dunsanak jan baibo hati
Bagurau malah kito disiko.

18. Buah salak lamak rasonyo 
Serat tando pohon baduri
Taibo hati denai ko
Kama pai surang diri.

19. Ka tanah lapang gubalo Jawi
Sampai di sinan rumpuik lah samak
Mode ko bana nak gadih kini
Salero gadang, dapua baserak.

20. Ka sawah bambaok kabau
Kabau lalok di tapi ladang
Dek ulah iduik batahun dirantau
Lah lupo lida jo sama randang.