Pantun Palang Pintu Adat Betawi Lengkap dengan Jawaban, Cocok Digunakan untuk Pernikahan

L: Ade siang ade malem,
Ade bulan ade matahari.
Kalo bukan lantaran perawan yang di dalem,
Kaga bakalan nih laku gua anterin ke mari.

P: Kage salah Abang beli lemari,
Tapi sayang kaga ade kuncinya.
Kage salah abang datang kemari,
Tapi sayang tuh perawan uda ade yang punye.

L: Bang Crukcuk kuburan cine,
Kuburan Islam aye nyang ngajiin.
Biar kate tuh perawan udeh ade yang punye,
Tetep aje nih laki bakal jadiin.

Baca juga: 20+ Pantun Betawi Lucu yang Bikin Ngakak, Jadikan Hiburan Agar Tidak Suntuk

P: Kalo jalan lewat Kemayoran,
Ati-ati jalannya licin.
Daripada niat lu kage kesampaian,
Lu pilih mati ape lu batalin.

L: Ibarat baju udah kepalang basah,
Masak nasi udah jadi bubur.
Biar kate aye mati berkalang tanah.
Setapak kage nantinye aye bakal mundur.

P: Ikan belut mati ditusuk,
Dalam kuali kudu masaknye.
Eh nih palang pintu kaga ijinin lu masuk,
Sebelum lu penuin persyaratannye.

P: Kuda lumping dari Tangerang,
Kedipin mate cari menantu.
Pasang kuping lu terang-terangan.
Adepin dulu jago gue satu-persatu.

L: Bintang seawan-awan,
Aye itungin beribu satu.
Berape banyak Abang punya jagoan,
Aye bakal adepin satu-persatu.

L: Lu tau dalemnye rawe,
Pasti lu tau kali semanan.
Kalo mau tau namenye jaware,
Nih lu liat gue punye maenan.

P: Kelape ijo ditusuk belati naek,
Perahu lurus jalannye.
Udeh banyak jago yang mati,
Nih jurus pukulannye.

L: Buah cereme jangan diasinin,
Makan nasinye di kandang kude.
Sarat pertame emang lu ude penuhin,
Tapi masih ade sarat yang kedue.

Baca juga: 27 Pantun Betawi Lucu Bisa Jadi Bahan Ngelawak di Acara Lenong, Dijamin Bikin Penonton Ngakak

P: Tukang lakse dagangnya malem,
Jalannya muter ke pasar kranji.
Gue minta elu jangan cume bisa berantem,
Tapi gue pengen denger lu bise ngaji.

L: Tumbuk ketan jadinye uli,
Ulinye juge kudu ditapeni.
Betaun-taun anak kampung gue bisa ngaji,
Lagu yang Abang minta aye bawain.

P: Buah mangga bukan sembarang mangga,
Buahnye satu tulung petikin.
Aye bangga bukan sembarang bangga,
Mantu yang begini yang aye arep-arepin.

Pantun Palang Pintu 2