Pantun Palang Pintu Adat Betawi Lengkap dengan Jawaban, Cocok Digunakan untuk Pernikahan

P: Kayu gelondongan kayu cendane
Anak Belande mati di tangisi.
Nih rombongan darimane mao kemane,
Liwat sini kudu permisi.

L: Orang tue umpame keramat,
Kalo ngomong jangan nyakitin ati.
Saye dateng ame bang Adly dan orangtuenye dengan segale hormat,
Mohon diterime dengan senang ati.

P: Liat di atas di burung nuri,
Terbang tinggi ame kawannye.
Kalo emang bang Adly udeh niat dateng kemari,
Saye kepengen tau ape tujuannye.

P: Kagak salah abang tanem ari-ari,
Tapi sayang udeh kagak ade lampunye.
Kagak salah abang Adly kemari,
Tapi sayang neng Laila udeh ade yang punye.

L: Bang yang di cinte uman atu atunye,
Ampe dimane tetep die belain.
Biar kate neng Laila udeh ade yang punye,
Ampe mati tetep die jadiin.

P: Mendingan abang pegi ke Cikini,
Daropada ke senayan.
Mendingan abang pegi dari tempat ini,
Daripade maksudnye kagak kesampean.

L: Ibarat baju udah kepalang basah,
Masak nasi udeh jadi bubur.
Biar kate saye mati bekalang taneh,
Setapak kagak bakalan saye mundur.

Baca juga: 17 Pantun Betawi Gombal yang Lucu dan Bikin Ngakak, Cocok Buat Seru-seruan

P: Laen dulu laen sekarang,
Care orang cari mantu.
Pasang kuping biar terang,
Adepin dulu saya punye palang pintu.

L: Awan putih adenya di atas,
Awan item nongolnye waktu ujan.
Abang punye jaware papan atas,
Yang siap adepin palang pintu neng Laila di depan.

P: Bintang bekulit seawan-awan,
Gak keliatan karena tempatnye di hulu.
Nih kenalin bang Jiben sang jagoan,
Siap adepin jaware abang atu-atu.

L: Si pitung Rawa Belong,
Terbangnye tinggi kaya kalong batu.
Si itung gak takut lawan elu sampe bolong,
Paling serepan nyawa elu tinggal atu.

P: Bang jawi bajunye belang-belang,
Celananye biru tapi gak kumel.
Gue orang Betawi malu bukan kepalang,
Dikalain elu yang makan bekatul.

L: Makan sate jangan ditusuk,
Ade kendang cine namenye gong coy.
Ati-ati elu jangan duduk-duduk,
Bise langsung jengkang ame jurus mpok depoy.

P: Buah kelape di pu’un ade delapan,
Dipetik kudu pake galah.
Ayo kite bekelai di depan,
Siape tau ade yang langsung kalah.

P: Buah delime dikupas kupasin,
Jambu mede dipinggir rawe.
Syarat pertame udah dipenuin,
Tapi masih ade syarat kedue.