37 Pantun Jambi Lengkap dari Berbagai Tema, Mengandung Makna tentang Kehidupan, Bagikan Sekarang

8. Batu besar tepian napal
basah kain sebab bumandi
Hati sesal Kasih dak sampai
sebab tinggi nian angan dihati.

9. Lubuk pungguk tepian napal
tempat budak mencuci baju
Awak biduk nak serempak kapal
idaklah mungkin nyo samo laju.

10. Bederai hujan di rimbo
tibo di padi bederai jangan
Becerai kito di muko
namun di hati becerai jangan.

Kumpulan pantun Jambi

11. Muaro Bungo medan buperang
jepang masuk Belando lari
Hilang bungo dapat dikarang
hilang kau kemano kucari.

12. Ke talang pegi mulatah
pegi merumput lanyo padi mudo
Malang nian nasib kau antah
tibo lah di mulut tebuang jugo.

13. Macam mano awak nak mandi
Banyak lah bilah daripado buluh
Macam mano awak nak jadi
Banyak yang negah daripado nyuruh.

14. Apo di harap ilia ku Jambi
harap di biduk di ayik dereh
Apo di harap kupado kami
Harap buteduh di kayu anggeh.

15. Baumo dalam beluka
anak siamang dikejar rusa
Kalau biko lah di kota
jangan lupo kami yang di desa.

Baca juga: 20 Pantun Batak atau Umpasa Lengkap dengan Arti, Berisi Nasihat Hidup dari Orang Tua untuk Anak Muda

Kumpulan pantun Jambi

16. Itu ku segan baumo di mampun
Padi ku abih di linden batang
Itu ku segan balik ka dusun
Upat puji fitnah datang.

17. Kalun adik mumancing umbai
tulung jugo mumancing atap
Kalun adik idak sasuai
tulung jugo baon bacakap.

18. Seberapo rimbun kayu di Jambi
rimbunlah jugo kayu di Tungkal
Seberapo rindu kau nan pegi
Rindulah jugo kami nan tinggal.

19. Ke talang pegi mulatah
pegi merumput lanyo padi mudo
Malang nian nasib kau antah
tibo lah di mulut tebuang jugo.

20. Kalo ado gelang di tangan
idak melurut cincin di jari
Kalo ado tunang awak nian
idak merebut si tunang kanti.