28 Pantun Sasak Berbagai Tema, Cocok Jadi Referensi Bacaan Penambah Ilmu soal Sastra Khas Nusantara

8. Kayuk waru jari apit
Buak are si buek tumpah
Mun bebalu jari penyakit
Selung dedare bengku susah.

9. Kayuk paok jeri belide
Sangkur moto ji impan kedit
Leman jaok kenangku side
Bebonto bangket paranku side.

10. Buaq asem begerintang
Kayuq aden begeririk
Jelo malem begeringsang
Selung angen deq baun pirik.

Kumpulan pantun Sasak

11. Pempang ere tekadu kaliq lungkak
Batang mitaq tepiaq jari pemanju
Moge-moge araq gamak kesukaq
Kanak Sasak niki sayan pacu.

12. Sai rengge jeruk manis
Jeruk manis leq atas langan
Sai wede kanak nangis
Kanak nangis mele mengan.

13. Bau paku leq sedin oloh
Jari kandoq mangan tengari
Pacu-pacu pade sekolah
Jari sangunte lemaq mudi.

14. Jelo Senen te juan buaq
Jelo ahada tejuan apuh
Lamunte genem jaq araq juaq
Lamunte sagad deq araq angkuh.

15. Impan bembeq siq daun waru
Pelembah polak leq dese Pujut
Leman kodeq pade pacu
Uahte toaq jari penurut.

Kumpulan pantun Sasak

16. Lolon renggak jari tali
Lolon belimbing sedin langan
Lamun eraq sejari-jari
Pokok ngibing jange bian.

17. Ungkah gadung leq dese temiling
Ungkah kenokaq leq bawaq bune
Uah kedung ketungkulan ngibing
Jengkene pede lupaq anak senine.

18. Munte belayang sedin ilir
Bau tebu leq pejanggik
Lamun wayang leq dalam kelir
Beu tekadu pengaji dirik.

19. Mun belauq sikut bedaye
Talet gadung dendeq-dendeq
Munku mauq si pade waye
Tanggep gandrung gorok bembeq.

20. Lalo meken leq jarian
Bau tanaq impan jangkrik
Leleng laloq idap tian
Melet boye jangger ngencik.